Elimizde 1 tekshe metr aýyz sý úshin halyqtyń tólemin retteıtin zań jobasy ázirlendi
«Aýyldardyń sýmen jabdyqtalýyna monıtorıng júrgizý maqsatynda ınteraktıvti karta ázirlep, iske qostyq. Onda kóptegen parametrler boıynsha naqty jaǵdaı kórsetilgen. Ortalyq jáne jergilikti atqarýshy organdar arasyndaǵy quzyretti bólý boıynsha zań jobasy ázirlendi», - dedi mınıstr.
Onyń atap ótýinshe, tizbeni bekitý fýnktsııasyn, sondaı-aq aýyz sýǵa tólem mólsherin ázirleý normalaryn bekitýdi jergilikti atqarýshy organdarǵa berý josparlanǵan.
«Zań jobasynda kórsetilgen sharalardy iske asyrý mynadaı múmkindikter beredi: salynǵan oqshaý júıelerdi tizbege engizýdi jedeldetedi; óńirlerge aýyz sýmen jabdyqtaýǵa arnalǵan sýbsıdııany bólý men alýdy tezdetedi; oblys boıynsha ortasha tarıf pen óńirdiń áleýmettik-ekonomıkalyq damýyn eskere otyryp, 1 tekshe metr aýyz sý úshin halyqtyń tólemin retteıdi», - dedi Beıbit Atamqulov.
