Elimizde 1 myńnan astam qaıyrymdylyq qory qyzmet etedi

NUR-SULTAN. QazAqparat – Elimizde keıingi 2 jyl ishinde qaıyrymdylyq uıymdarynyń sany artqan. Olardyń basym bóligi jetim jáne aýyr syrqaty bar balalarǵa qol ushyn sozady. Bul týraly QR Aqparat jáne qoǵamdyq damý vıtse-mınıstri Danııar Qadyrov málim etti, dep habarlaıdy QazAqparat tilshisi.

«Elimizde keıingi 2 jylda qaıyrymdylyq uıymdarynyń sany 20%-ǵa ósip, búginde olardyń 1 myńnan asty. Qaıyrymdylyq uıymy sanynyń ósýi – olardyń qoǵamǵa qajettiligi men mańyzdylyǵynyń kórsetkishi. Іri qaıyrymdylyq qorlarynyń áleýmettik jumysynyń aýqymy óte keń. Qolda bar aqparattarǵa sáıkes, sońǵy jyldary qaıyrymdylyq kórsetýdiń basym baǵyttary jetim (54,31%) jáne aýyr syrqatqa ushyraǵan balalarǵa kómektesý (48,8%)», - dedi Danııar Qadyrov elordada ótken «Qazaqstan halqyna» qorynyń qorytyndy otyrysynda.

Vıtse-mınıstrdiń málimetinshe, qaıyrymdylyq qorlary balalardan bólek, muqtaj jandarǵa azyq-túlik jáne qarjylaı kómek usynyp keledi.

«Qaıyrymdylyq qorynyń qoldaýymen jańa mektepter, balabaqshalar, ońaltý ortalyqtary, demalys lagerleri, sport zaldary jáne basqa da nysandar salynyp, áleýmettik salanyń damýyna edáýir úles qosyp jatyr. Memleket tarapynan azamattar arasynda qaıyrymdylyqty yntalandyrý maqsatynda 2015 jyly «Shapaǵat» medali taǵaıyndaldy. Búginde atalǵan memlekettik marapatqa 250-den astam azamat ıe boldy», - deıdi ol.

Odan bólek, Danııar Qadyrov 2023 jyldan bastap qaıyrymdylyq isin damytýǵa erekshe úles qosqan azamattarǵa qurmetti ataq beriletinin tilge tıek etti.

«Bizdiń mınıstrlik 2018 jyldan bastap jyl saıyn eldegi qaıyrymdylyq ıdeıalaryn nasıhattap, osy baǵytty damytýǵa úles qosqan azamattardy «Jomart júrek» syılyǵymen marapattap keledi. Búgingi tańda atalǵan syılyqqa 5 nomınatsııa boıynsha 176 adam ıe boldy», - dedi mınıstrdiń orynbasary.