Elimizde 1 aıdyń ishinde benzın 6 paıyzǵa qymbattady

NUR-SULTAN. QazAqparat – Bir aıda (2021 jylǵy sáýirde 2021 jylǵy naýryzǵa) baǵa azyq-túlik jáne azyq-túlik emes taýarlaryna 1 paıyzdan, al aqyly qyzmetterge 0,5 paıyz joǵarylady. Bul týraly QR Strategııalyq josparlaý jáne reformalar agenttiginiń Ulttyq statıstıka bıýrosy málim etti, dep habarlady QazAqparat tilshisi.

Vedomstvo málimetinshe, baǵanyń ósýi qyzylshaǵa – 17,1, kartopqa – 12, sábizge – 10,5, kúnbaǵys maıyna – 2,7, qumshekerge – 2,5, taýyqtyń sıraǵyna – 2,3, jańa jınalǵan jemisterge – 2, qoı etine – 1,7, et ónimderine – 1,2, jarmalarǵa – 1, shoshqa etine – 0,9, makaron ónimderine, shaıǵa, pasterlengen sútke – 0,8, unǵa – 0,7, sıyr etine 0,6 paıyz mólsherinde belgilendi. Mıneraldy jáne as sý – 2, salqyndatylǵan sýsyndar – 0,9, alkogoldy sýsyndar 0,7 paıyz qymbattady. Baǵanyń tómendeýi qııarǵa – 9,6, apelsınderge – 1,5, qyzanaqqa – 1,1, kúrishke 0,6 paıyz tirkeldi.

Baǵa ósimi turmystyq aspaptarǵa – 2, jeke qoldanylatyn taýarlarǵa, shyny jáne qysh buıymdarǵa, qurylys materıaldaryna – 0,7, avtomobılderge – 0,6, toqyma buıymdaryna – 0,5, jýǵysh jáne tazalaǵysh quraldarǵa, kıim jáne aıaq kıimge 0,4 paıyzdy qurady. Benzın – 6, al dızel otyny 0,9 paıyzǵa qymbattady.

Baǵa deńgeıi monsha qyzmetterine – 1,9, sanatorııler qyzmetterine – 1,8, mektepke deıingi balalar mekemesiniń qyzmetterine – 1,2, qoǵamdyq tamaqtandyrý qyzmetterine – 1,1, shashtarazdar men sulýlyq salondar qyzmetterine – 0,7, ınternet jelisi qyzmetterine – 0,6, qonaq úıler qyzmetterine 0,5 paıyz joǵarylady. Jolaýshylardyń temir jol kóligimen jol júrý aqysy – 0,8, áýe kóligimen 0,9 paıyz qymbattady.

Turǵyn úı-kommýnaldyq qyzmetter salasynda tarıfter qoqys shyǵarýǵa 1,2 paıyz joǵarylady.