Elimizde 1,5 mln aýyl turǵyny medıtsınalyq saqtandyrýmen qamtylmaǵan
«1,5 mln aýyl halqy medıtsınalyq saqtandyrýmen qamtylmaǵan. Bul máseleni sheshý úshin qala men aýyl turǵyndary arasyndaǵy medıtsınalyq kómekke qol jetimdilik teńsizdigin qysqartý maqsaty tur.
Sol úshin, bıyl aýyl turǵyndaryn, onyń ishinde birinshi kezekte balalardy keshendi profılaktıkalyq tekserýden ótkizý bastalady.
Ekinshiden, 2025 jylǵa deıin aýyldyq jerlerde 420 medıtsınalyq mekeme salý, aýyldyq dárihana pýnktterin qurý júzege asyrylady», - dedi Eraly Toǵjanov.
Sonydaı-aq, ol ana men bala densaýlyǵyn qorǵaý máselelerin naqty sheshý úshin 20 aýdanaralyq perzenthana, 17 dıagnostıkalyq ortalyq ashylatynyn atady.
«Kadr tapshylyǵyn azaıtý maqsatynda dárigerlerdiń orta medıtsına qyzmetkerleriniń jalaqysy kóterildi.
2022 jyly tapshy mamandyqtar boıynsha granttar sany 43%-ǵa ulǵaıtyldy jáne medıtsına qyzmetkerleriniń jaýapkershiligin saqtandyrý kózdelip otyr. Osy sharalar nátıjesinde 2025 jylǵa qaraı aýyldyq eldi mekenderdi konsýltatsııalyq-dıagnostıkalyq kómekpen qamtý 47 den 100%-ǵa deıin jetkiziledi», - dedi Premer-Mınıstrdiń orynbasary.
Sondaı-aq, Eraly Toǵajnov Májilisdepýtattaryna ınflııatsııany tejeý baǵytyndaǵy sharalar týraly málimet berdi.
Onyń málimeti boıynsha, bıyl zeınetaqy men járdemaqyny ındeksteýge qosymsha 111 mlrd teńge bólinedi.