Elimiz jeltoqsan aıynda 37 myń tonnadan astam benzındi ımporttaıdy - S. Myńbaev
A. Qarashanyń 26-sy. QazAqparat /Rýslan Ǵabbasov/ - Bıylǵy jyldyń jeltoqsan aıynda Aı-92,93 markaly benzındi tutyný kólemi 180 myń tonnany quraıdy.
Bul týraly búgin Úkimette ótken selektorlyq keńeste Energetıka jáne mıneraldy resýrstar mınıstri Saýat Myńbaev málim etti, dep habarlaıdy QazAqparat.
Mınıstrdiń aıtýynsha, jeltoqsan aıynda joǵary oktandy benzındi tutyný kólemi 180 myń tonnany quraıdy. Bul Aı - 92 jáne 93 markaly benzınderine qatysty. Atalǵan 180 myń tonnany ár qala men oblystarǵa úlestirýdiń jospary jasalǵan.
Sonymen, aldaǵy aıda Astana - 11 myń tonna , Almaty - 40 myń, Almaty oblysy - 15, Ońtústik Qazaqstan oblysy - 18, Jambyl oblysy - 14, Qaraǵandy men Pavlodar, Shyǵys Qazaqstan oblystary - 10 myńnan, al Qostanaı, Aqmola, Batys Qazaqstan, Aqtóbe oblystary - 7 myń, sondaı-aq Soltústik Qazaqstan oblysy 8 myń tonna benzındi tutynatyn bolady.
Onyń sózine qaraǵanda, jeltoqsanda Pavlodardyń munaı óńdeý zaýyty - 83 myń tonna, Atyraý zaýyty - 18 myń tonna, Shymkent munaı óńdeý zaýyty 41 myń tonna benzın óndiredi. «Jetpeıtin 37,5 myń tonnany biz óndire almaımyz. Sondyqtan ony aldaǵy aıdyń barysynda ımporttaımyz», dedi S. Myńbaev.
Aıta keteıik, 5 kúnnen keıin endi elimizdiń barlyq aımaqtarynda Aı-92, 93 markaly benzınniń baǵasy 82 teńge kóleminde bolady.
