Elimiz tynysh, jastar aman bolsyn - J.Sársembıev, Uly Otan soǵysynyń ardageri, BQO
ORAL. QazAqparat - Búgin Batys Qazaqstan oblysynda Uly Otan soǵysynyń ardagerleri de daýys berip, óz tańdaýlaryn jasady. Sonyń biri - Qaztalov aýdany Jalpaqtal aýylynda turatyn maıdanger Jumat Sársembıev.
Jasy 93-ke kelgenine qaramastan, aqsaqal erte turyp, saılaý ýchaskesine kelip, alǵashqylardyń qatarynda daýys berdi.
«Saılaý ýchaskesi merziminde ashylyp, bári oıdaǵydaı bastaldy. Saılaý zańǵa sáıkes ótýde. Halyqtyń belsendiligi joǵary. Biz surapyl soǵysty, odan keıingi qıynshylyqty kórdik. Elimiz ata-babalarymyz ańsap ótken azattyqqa qol jetkizdi. Osynyń ózi - úlken baqyt. Jurtymyz tynysh, jastar aman bolsyn», dedi ardager.
