Elimiz tennısshileri Argentınadaǵy jarystyń jartylaı fınalyna shyqty

ASTANA. QazAqparat – Qazaqstandyqtar Andreı Golýbev pen Aleksandr Nedovesov juptyq synda Kordoba (Argentına) ATP 250 týrnıriniń jartylaı fınalyna shyqty, dep habarlaıdy QazAqparat tilshisi.

Jarystyń 4-raketkalary bolyp tirkelgen qazaqstandyq jup topyraq tósenishinde ótip jatqan dodada aldymen brazılııalyq Marselo Melo – portýgalııalyq Jýan Soýzany 6:2, 7:5 esebimen tize búktirdi.

A.Nedovesov – A.Golýbev shırek fınalda argentınalyqtar Gvıdo Andreotstsı – Gılermo Dıýrannan aılasyn asyrdy – 3:6, 6:3, 10:6.

Bir saǵat 24 mınýtqa sozylǵan báseke barysynda qazaqstandyqtar 2 eıs jasap, 6 breık-poınttyń bireýin paıdalandy.

A.Golýbev pen A.Nedovesov fınalǵa shyǵý úshin týrnırdiń ekinshi raketkalary, argentınalyqtar Maksımo Gonsales – Andres Moltenımen talasady.

Eske sala keteıik, budan buryn Devıs kýboginde Qazaqstan quramasynyń syrt alańda Bolgarııamen kezdesetinin jazǵan bolatynbyz.

Sondaı-aq Elena Rybakına Doha týrnırine qatyspaıtyn boldy.

Elena Rybakına Ábý-Dabı týrnıriniń jartylaı fınalyna shyǵa almady.