Elimiz ózin azyq-túlik taýarlarymen tolyq qamtýy kerek - Álıhan Smaıylov
Álıhan Smaıylov jalpy qýaty 197 myń tonnadan asatyn «Orda Glass Ltd» shyny óndirý zaýytynyń jumysymen tanysty. Kásiporyn bıylǵy qazan aıynda «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda iske qosyldy. Memlekettik qoldaý sharalary retinde oǵan qajetti ınjenerlik ınfraqurylym (elektr energııasy, sý, káriz, gaz, baılanys jelisi), avto jáne temir joldar júrgizildi. Qazirgi ýaqytta zaýytta 370 adam jumys isteıdi.
Premer-Mınıstr shyny zaýytynyń iske qosylýy Qyzylorda oblysynda ǵana emes, búkil Qazaqstan boıynsha qurylys ındýstrııasynyń damýyna serpin beretinin atap ótti.
Ári qaraı Premer-Mınıstr qýaty jylyna 33 myń tonnadan asatyn «Maǵjan jáne K» JShS kúrish óńdeý zaýytynda boldy.
Sonymen qatar Úkimet basshysy ishki naryqqa jáne ishinara eksportqa jiberiletin ıodtalǵan tehnıkalyq jáne as tuzyn óndiretin «Assol» zaýytynda boldy.
Álıhan Smaıylov Qyzylorda oblysynyń respýblıka boıynsha kúrishtiń negizgi óndirýshisi ekenin (90%) jáne tuz óndirý boıynsha da jetekshi orynda (97%) turǵanyn atap ótti. Bıyl óńirdiń AÓK salasyna quıylǵan ınvestıtsııalary 8,5%-ǵa ósti, 250 jańa joba iske asyrylyp jatyr. Osy oraıda, Úkimet basshynyń aıtýynsha, elimiz ózin azyq-túlik taýarlarymen tolyq qamtamasyz etýi kerek. Osyǵan umtylýymyz kerek.
Úkimet basshysy óńirdiń aýyl sharýashylyǵy qurylymdarynyń basshylarymen kezdesý ótkizdi. Agrarııler salanyń birqatar máselesin, sonyń ishinde sýarmaly sýmen qamtamasyz etý jáne kúrish ósirýshilerdiń zamanaýı aýyl sharýashylyǵy tehnıkasyna qoljetimdiligin keńeıtý máselelerin atap ótti. Álıhan Smaıylov aýyl sharýashylyǵy taýaryn óndirýshilerdi muqııat tyńdap, AÓK-tiń problemalyq máselelerin sheshý Úkimettiń nazarynda ekenin atap ótti.
Foto: primeminister.kz
