Elimiz qalalarynda aýa sapasy qandaı bolady
ASTANA. QazAqparat - Jeksenbi, 21 qazan kúni Qazaqstan qalalarynyń basym bóliginde meteorologııalyq jaǵdaı jaǵymdy bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Aqtóbe, Astana, Qostanaı, Qyzylorda, Kókshetaý, Pavlodar, Petropavl, Taldyqorǵan, Taraz, Oral, Óskemen jáne Shymkent qalalarynda aýa sapasy qolaıly bolatyny kútilýde.
Al Atyraý qalasynda jaǵymsyz meteojaǵdaı qalyptasatyny boljanady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
