Elimiz DDU-ǵa qosylǵannan keıin aýtızm jaǵdaılary 300 %-ǵa artty - manıpýlıatsııa

ASTANA. QazAqparat - Áleýmettik jelilerde DDU-ǵa qosylý aýtızm spektri buzylýynyń statıstıkasyna teris áser etkeni týraly jazylyp jatyr, dep habarlaıdy QazAqparat.

Onda elimiz DDU-ǵa kirgen sátten bastap ASB aýyratyn balalar sany 300%-ǵa artqan degen málimet te bar.

Al stopfake.kz saıtynyń dereginshe, shyndyǵynda, onyń eshqandaı qatysy joq.

«Qazaqstan DDU-ǵa 1994 jyly kirdi. ıAǵnı, 29 jyl buryn. Osy ýaqyt ishinde kóp nárse ózgerdi, onyń ishinde medıtsına da. Atap aıtqanda, aýtızm bólek dıagnoz retinde kórsetile bastady, sodan keıin aýtızm spektriniń buzylýy sekildi keń uǵym paıda boldy.

2013 jylǵa deıin aýtıstıkalyq buzylýlar, aýrýlardyń halyqaralyq klassıfıkatoryna sáıkes, pervazıvti buzylýlarǵa jatqyzylyp keldi jáne ondaı dıagnoz sırek qoıylatyn. Al 1980 jylǵa deıin aýtızm dıagnozy, sondaı-aq aýtızm spektriniń buzylýy degen túsinik múldem bolǵan emes. Mundaı belgileri bar balalarǵa «balalar shızofrenııasy» dıagnozy qoıyldy», - dep jazylǵan aqparat kózinde.

Alaıda, dıagnozdyń bolmaýy aýrýdyń joqtyǵyn bildirmeıdi. Qazirgi kezde naqty dıagnoz qoıýǵa jáne shızofrenııa men basqa da buzylýlardy, ASB týraly ajyratýǵa múmkindik beretin dıagnostıkalaý ádisteri men joldary bar. Dál osy medıtsına men dıagnostıkanyń damýy aýtızm spektri buzylǵan balalar sanynyń kóbeıýine áser etedi dep sanalady.

ASB statıstıkasy búkil álemde de, Qazaqstanda da ósýde: 2017-2022 jyldar aralyǵynda kórsetkishter eki esege jýyq ósti.

«Munyń Qazaqstannyń DDU-ǵa kirýine eshqandaı qatysy joq.

Sarapshylardyń pikirinshe, bul statıstıkanyń ósý sebepteri dıagnostıkalaý múmkindikteri, qorshaǵan ortanyń lastanýynda jáne ata-analardyń orta jasynyń ulǵaıýy bolyp tabylady.

Demek, taralǵan habarlama – manıpýlıatsııa. Qazaqstannyń DDU-ǵa kirýi jáne eldegi aýtızm statıstıkasynyń ósýi ózara baılanysty emes», - delingen saıtty.