Elimiz boıynsha jasóspirimder arasyndaǵy qylmys 11 paıyzǵa tómendedi - ІІM
ASTANA. 13 maýsym. QazAqparat /Rýslan Ǵabbasov/ - Búginde elimiz boıynsha jasóspirimder arasyndaǵy qylmys 11 paıyzǵa tómendedi. Bul týraly búgin Úkimet otyrysynda Іshki ister mınıstri Qalmuhambet Qasymov málim etti.
Atap aıtqanda, Úkimet otyrysy barysynda Premer-Mınıstr Kárim Másimov jasóspirimder arasyndaǵy qylmystyń aldyn alýǵa baılanysty atalǵan vedomstvonyń basshysyna tıisti tapsyrmany júktedi.
Bul baǵytta tıisti jumystar atqarylyp jatqandyǵyna toqtalǵan Іshki ister mınıstri «2 jyldan astam ýaqyttan beri jasóspirimder qylmysyna profılaktıka negizinde mektep ınspektorlary jumys jasap jatyr. Elimiz mektepteriniń 90 paıyzynda osyndaı ınkspektorlar bar. Bul baǵyttaǵy jumystar búginde jalǵasyp jatyr»,-dedi.
