Elimiz boıynsha Atyraý oblysynda ǵana bastapqy jarnasyz baspana alýǵa bolady

ASTANA. QazAqparat – Atyraý oblysynda 29 myńnan astam azamat baspana kezeginde tur. Bul týraly Atyraý oblysynyń ákimi Serik Shápkenov aıtty, dep habarlaıdy QazAqparat tilshisi.

«Qazirgi tańda 29 myńnan astam azamatymyz turǵyn úı kezeginde tur. Óńir boıynsha 52 turǵyn úı salynyp jatyr. 10 turǵyn úıdi bıyl, al kelesi jyly 32 turǵyn úıdi paıdalanýǵa beremiz. Kelesi jyly salynatyn úılerdiń ishinde 24 úıdi kezekte turǵan azamattarǵa beremiz», - dedi oblys basshysy Ortalyq kommýnkatsııalar qyzmetindegi baspasóz máslıhatynda.

Onyń atap ótýinshe, 35 jasqa deıingi jastardy turǵyn úımen qamtý úshin «Atyraý jastary» baǵdarlamasy bekitildi. Atyraý qalasynda 18 mln teńgege deıin, al aýdandarda 13 mln teńgege deıin jyldyq mólsherlemesi 5 paıyzdan aspaıtyn ıpoteka berý qarastyrylǵan. Bastapqy jarna – 10 paıyz. Al, qaryzdy óteý merzimi – 20 jylǵa deıin. Alǵashqy kezeńde osy baǵdarlama aıasynda 100-ge jýyq jas mamandy baspanamen qamtý josparlanyp otyr.

«Baqytty otbasy – Atyraý» baǵdarlamasy qabyldandy. Bul baǵdarlamanyń ereksheligi - qatysýshylarǵa bastapqy jarnasyz qoldanystaǵy úıdi satyp alýǵa múmkindik beriledi», - dedi Serik Shápkenov.