Elimiz aýmaǵynda 10 er adam sýǵa batty - QR TJM
ASTANA. 24 maýsym. QazAqparat - Demalys kúnderi elimizdiń sý aıdyndarynda 10 er adam sýǵa batyp ketti.
QR TJM-niń baspasóz qyzmetinen málim etkendeı, qaıǵyly oqıǵalar Almaty, Batys Qazaqstan, Qostanaı, Aqmola, Jambyl jáne Qyzylorda oblystarynda boldy.
Kóz jumǵandardyń eń jasy - 19-da. Er azamat jeksenbi kúni Soltústik Qazaqstan oblysynyń Gorkoe aýylynyń mańyndaǵy toǵanǵa batyp ketti. Onyń máıiti sýdan QR TJM SQO TJD sýda qutqarý qyzmetiniń kúshimen shyǵaryldy.
Qaıǵyly oqıǵa sondaı-aq Qaraǵandy oblysynyń Samarqand kentinde oryn aldy. 22 maýsym kúni Nura ózeninde áıelin sýdan qutqarý kezinde 1951 jylǵy er adam batyp ketti. Kelesi kúni onyń denesi sýdan QR TJM Qaraǵandy oblystyq TJD sýda qutqarý qyzmetiniń 4 mamany men bir tehnıkasynyń kúshimen shyǵaryldy.
