Elimiz atynan qatysyp jatqan sportshylar quramasynyń kóptigine qarap, biz alǵashqy orynnan kórinemiz dep aıtýǵa bolady - prodıýser
ALMATY. 30 qańtar. QazAqparat /Ádilet Musahaev/ - Astana qalasyndaǵy «Astana-Arena» stadıonynda tańqalarlyq kórinispen ashylyp jatqan 7-Qysqy Azııa oıyndarynyń ashylýyn tebirene kórip otyrmyn.
Bul jaıynda Almatydaǵy halyqaralyq aqparat taratý ortalyǵynda Azıada oıyndaryn tikeleı efırde kórip otyrǵan «Nasha kazasha» tele baǵdarlamasynyń prodıýseri Daýt Shahıslamov QazAqparat tilshisine pikir bildirý kezinde aıtty.
D.Shahıslamov oıynnyń ashylýyna qarap, elimizdiń bul oıynǵa óte joǵary daıyndyqpen kelgenin bilýge bolatyndyǵyn aıtady. «Ekran aldynda otyryp, tańǵajaıyp kórinis pen uıymdastyrý jumystaryna kýá bolyp otyrmyn. Sportshylarymyzdyń daıyndyǵy da osyndaı dárejede dep bilemin»,-deıdi prodıýser.
Sondaı-aq ol qazaqstandyqtardyń bul dodada joǵary kórsetkishterge qol jetkizetindigin jasyrmady. «Elimiz atynan qatysyp jatqan sportshylar quramasynyń kóptigine qarap, biz alǵashqy orynnan kórinemiz dep aıtýǵa bolady. Otandastaryma «Alǵa, Qazaqstan! Sender myqtysyńdar degen tilegimdi bildiremin»,- deıdi D.Shahıslamov.
