Elimiz alǵa qoıǵan maqsattarǵa jetetinine senimdimin - Asqar Mamın

NUR-SULTAN. QazAqparat – Elimiz alǵa qoıǵan maqsattarǵa jetetinine senimdimin. Táýelsizdik kúnine oraı qazaqstandyqtarǵa arnaǵan quttyqtaýynda QR Premer-Mınıstri Asqar Mamın osylaı jazdy, dep habarlaıdy QazAqparat primeminister.kz saıtyna silteme jasap.

«Qymbatty qazaqstandyqtar, sizderdi Táýelsizdik kúnimen quttyqtaımyn! 1991 jylǵy 16 jeltoqsanda Qazaqstan Respýblıkasynyń Joǵarǵy Keńesi «Qazaqstan Respýblıkasynyń memlekettik táýelsizdigi týraly» Konstıtýtsııalyq zańdy qabyldady.

Elimiz Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń kóshbasshylyǵymen áleýmettik-ekonomıkalyq damý, memlekettikti nyǵaıtý jáne halyqaralyq bedelin arttyrý jolynda eleýli jetistikterge qol jetkizdi.

Qazaqstan qazirgideı jahandyq ekonomıkalyq daǵdarys jáne pandemııamen kúres kezinde ekonomıkalyq turaqtylyqtyń joǵary deńgeıin kórsetip otyr.

Ekonomıkanyń odan ári ósýin qamtamasyz etý, halyqtyń ómir súrý sapasy men ál-aýqatyn jaqsartý maqsatynda Memleket basshysy Qasym-Jomart Kemeluly Toqaev qurylymdyq áleýmettik-ekonomıkalyq reformalardy iske asyrý, elimizdiń ındýstrııalyq, agroónerkásiptik jáne ınvestıtsııalyq áleýetin kúsheıtý boıynsha aýqymdy mindetter qoıdy.

Elimiz alǵa qoıǵan maqsattarǵa jetetinine senimdimin. Barlyq qazaqstandyqtarǵa myqty densaýlyq, ıgilik, tatýlyq pen órkendeýdi tileımin!», - delingen Asqar Mamınniń quttyqtaýynda.