Elimiz 2022/2023 marketıng jylynda astyqtyń rekordtyq kólemin eksportqa shyǵarady

ASTANA. QazAqparat - Elimiz 2022/2023 marketıng jylynda astyqtyń rekordtyq kólemin eksportqa shyǵarady. Bul týraly «Qazaqstannyń astyq odaǵy» Saýda komıtetiniń basshysy Aleksandr Malov aıtty, dep habarlaıdy QazAqparat tilshisi.

«Osy marketıng jyldy (2022/2023 jyldary) pozıtıvti notada aıaqtaımyz. 1 qyrkúıekke qaraı eksport kólemi 11 mln tonnaǵa deıin jetedi. Bul sońǵy 10 jyldaǵy aıtarlyqtaı rekordtyq eksport sanalady», - dedi Aleksandr Malov BAQ ókilderine arnalǵan dóńgelek ústel barysynda.

Onyń atap ótýinshe, atalǵan kezeńde Qazaqstan temir joly, Aýyl sharýashylyǵy mınıstrligi jáne naryq qatysýshylary tarapynan óte aýqymdy jumys eńserildi.

«Naryqtyń ózi de qandaı da bir retteý, shekteý is-sharalarynyń bolmaýynyń arqasynda atalǵan kórsetkishke shyǵyp otyr. Buǵan qosa, Reseıden mol ımporttyń bolǵanyna da nazar aýdartqym keledi. Ótken jyly rekordtyq ónim jınaldy. Bul rette biz qandaı da bir retteýshi is-sharalary bolmaǵandyqtan tapsyrmany oryndaı aldyq», - dedi ol.