«Elim úshin egilemin» azamattyq shtabynyń bastamashyl toby jıyn ótkizdi
Kókshetaýda ótken baspasóz konferentsııasynda óńirde vaktsınatsııa naýqanynyń barysy, vaktsınatsııa almaǵan adamdarǵa koronavırýstiń qaýpi týraly túsindirip, jýrnalısterdiń sauraqtaryna jaýap berdi.
«Qazirgi ýaqytta óńir «qyzyl» aımaqta qalyp otyr, sońǵy táýlikte koronavırýs ınfektsııasyn juqtyrýdyń 178 jaǵdaıy tirkeledi, ıaǵnı ósim 0,5 paıyzdy qurady. Óńirde vaktsınanyń birinshi komponentimen 275 220 adam egildi, bul tek 66 paıyz ǵana. Ekinshi komponentti 236 869 adam aldy, bul 57 paıyz ǵana. Ujymdyq ımmýnıtet qalyptastyrý úshin bul áli de azdyq etedi«, - dedi QR Premer-Mınıstri orynbasarynyń baspasóz hatshysy, sanıtarlyq-epıdemıologııalyq baqylaý komıtetiniń resmı ókili Erjan Baıtanaev.
Sonymen birge, baspasóz máslıhaty barysynda zańger, Qazaqstan zańgerler odaǵynyń Nur-Sultan qalasyndaǵy fılıalynyń tóraǵasy, azamattyq shtab múshesi Serik Berkamalov, epılemıolog, «El úshin egilemin« azamattyq shtabynyń qatysýshysy Aınagúl Qýatbaeva, akýsherııa jáne gınekologııa ortalyǵynyń táýelsiz dırektory (Almaty q.) Aıda Áljanova, reprodýktolog, medıtsına ǵylymdarynyń doktory Vıacheslav Lokshın, «Qoǵamdyq baqylaý jáne monıtorıng« respýblıkalyq qoǵamdyq birlestiginiń jetekshisi Saıda Táýkeleva onlaın rejımde jýrnalısterdiń vaktsınatsııa jáne Ashyq jobasyna qatysty saýaldaryna jaýap berip, óz pikirlerimen bólisti.
Eske sala keteıik, óńirge sapary barysynda bastamashyl top Kókshetaý qalasyndaǵy «Asyl Arman» JShS (Novopek) jáne «Kókshetaý sút zaýyty» JShS kásiporyndaryna baryp, ujymmen kezdesti. Onda vaktsınatsııalaý naýqanynyń barysy talqylandy, túsiniktemeler men tájirıbelik usynystar berildi.
Búgingi tańda «Asyl Arman» JShS jáne «Kókshetaý sút zaýyty» JShS qyzmetkerleri koronavırýs ınfektsııasyna qarsy vaktsınatsııa alǵan óńirdegi kásiporyndardyń kóshbasynda keledi. Mundaǵy vaktsınatsııalanǵan qyzmetkerlerdiń úlesi 80 paıyzdan asady, bul osy kásiporyndarǵa ujymdyq ımmýnıtetti qalyptastyrýǵa, COVID-19 aýrýynyń jaǵdaılaryn boldyrmaýǵa jáne óndiristiń turaqty jumysyn qamtamasyz etýge múmkindik berdi.
