Elik atqan Petropavl turǵyny 4,5 mln teńge aıyppul tóleýi múmkin
PETROPAVL. QazAqparat - Soltústik Qazaqstan oblysynda Sibir eligine zańsyz atý faktisi anyqtaldy, dep habarlaıdy QazAqparat tilshisi SQO ІІD baspasóz qyzmetine silteme jasap.
Jambyl aýdandyq ІІB qyzmetkerleri Blagoveşenka aýyly mańynan 32 jastaǵy Petropavl qalasynyń turǵynyn ustady. Er adamǵa túlki aýlaýǵa ruqsat berilgen. Qamsyz brakoner qarda júretin kólikpen jáne 12 kalıbrlik «CZ» tegis uńǵyly qarýmen jraqtalǵan. Qarýmen birge polıtsııa Sibir eliginiń tutas etin, arqan, pyshaq, oqsalǵysh, 13 oq tárkiledi.
Tergeý jumystary júrip jatyr, birqatar qajetti saraptama taǵaıyndaldy. QR QK 337-baby, 3-bólimi («Zańsyz ańshylyq») boıynsha 2 000 AEK kóleminde aıyppul nemese eki jylǵa deıin bas bostandyǵynan aıyrý jazasy qarastyrylǵan.
