Elge jetý úshin 55 qazaqstandyq Lvovtaǵy konsýldyq aldyna jınaldy – Aıbek Smadııarov

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Ýkraınanyń Lvov qalasyndaǵy Qazaqstannyń konsýldyǵy aldyna 55 azamattyń jınalǵanyn aıtty.

Resmı ókildiń aıtýynsha, atalǵan azamatar Polsha arqyly elge qaıtarylmaq, dep habarlaıdy QazAqparat tilshisi.

«Bizdiń mınıstrlik Polsha arqyly repatrıatsııalyq áýe reısin uıymdastyrýǵa ruqsat aldy. Lvovtaǵy jaǵdaıǵa kelsek, elge jetý úshin Qazaqstannyń sondaǵy konsýldyǵy ǵımaratynyń aldyna 55 otandasymyz jınaldy. Olar Polsha arqyly kelmek. Bul azamattar jaqyn mańdaǵy mektep aýmaǵyn panalaǵan edi. Alaıda nysandy atý múmkindigine baılanysty azamattar ol jerden shyǵaryldy. Bizdiń konsýldyń aıtýynsha, kólikpen qamtamasyz etýde qıyndyq týyndap jatyr. Shekarada jiberilgen alǵashqy reıs áli Lvovqa oralmady, olar kepteliste tur», - A. Smadııarov mınıstrlikte ótken brıfıngte.

Resmı ókildiń málimdeýinshe, azamattardy jetkizýde kóliktiń baǵasy aıtarlyqtaı ósken.

«Keıbir avtobýstar birneshe kún kepteliske turyp qalýy múmkin ekenin bilip, jol júrýden bas tartyp jatyr. Beıbit ýaqytta kóliktiń quny qoljetimdi bolsa, qazir bir avtobýs úshin 20 myń dollarǵa deıin surap otyr. Sondyqtan bul máseleni biz konsýldyq mamandarymen birlesip sheshetin bolamyz. Azamattarymyzdy shydamdylyqqa shaqyramyz», - deıdi ol.