Elge zańsyz jolmen ákelingen smartfondar buǵattalady

ASTANA. KAZINFORM — Bul týraly Jasandy ıntellekt jáne tsıfrlyq damý vıtse-mınıstri málimdedi. Bul týraly Jibek joly telearnasynyń jańalyqtar qyzmetinde aıtty.  

Rostıslav Konıashkınniń aıtýynsha, shetelen nemese Dýbaıdan ákelingen qurylǵylardy Qazaqstanda zańdastyratyn arnaıy servıs bar.

Ol úshin smartfonnyń basqa elden alynǵanyn rastaıtyn qujaty bolý kerek.

Aıta keteıik, qazir Qazaqstanǵa ákelingen telefondardy IMEI-kodyn tirkeý protsesi qarqyndy júrip jatyr.

Mınıstrliktiń málimetinshe, byltyr elimizde 5 mıllıonǵa jýyq smartfon satylǵan, onyń 75%-ǵa jýyǵy zańsyz jolmen ákelingen. Osylaısha memleket 70-80 mlrd teńge salyqtan qaǵylǵan.

Aıta ketelik Qazaqstanda mobıldi aýdarym erejeleri ózgerdi. 

Qaýly normalarynyń bir bóligi alǵashqy resmı jarııalanǵan kúninen keıin 10 kún ótken soń kúshine enedi. Atap aıtqanda, qarjy uıymdarynyń aqparattyq qaýipsizdik jedel ortalyqtary «Qainar» aqparattyq qaýipsizdik oqıǵalary men oqys oqıǵalary týraly aqparatty óńdeýdiń avtomattandyrylǵan júıesin paıdalaný tártibi naqtylanady. Sondaı-aq qoldanystaǵy zańnamaǵa sáıkestendirýge baǵyttalǵan redaktsııalyq túzetýler engizilgen.