Elge zańsyz ákelingen karantındik ónimderdiń joly kesildi
ASTANA. KAZINFORM — Karantındik fıtosanıtarııalyq baqylaý júrgizý barysynda belgilengen talaptarǵa sáıkes kelmeıtin ónimderdi ákelý áreketteriniń joly kesildi.
2026 jyldyń basynan beri AShM AÓK-tegi memlekettik ınspektorlar ósimdikter karantıni salasyndaǵy zańnama talaptarynyń buzylýy boıynsha úshinshi elderden elimiz aýmaǵyna karantınge jatqyzylǵan ónimderdi ákelý kezinde 145 derekti anyqtady.
— Zań buzýdyń negizgi sebepteri fıtosanıtarııalyq sertıfıkattardyń bolmaýy, karantındik obektilerdiń anyqtalýy, sondaı-aq belgilengen fıtosanıtarııalyq normalardyń saqtalmaýy boldy, — delingen AShM habarlamasynda.
Tekserý qorytyndysy boıynsha ósimdikter karantıni salasyndaǵy zańnamany buzýǵa jol bergen tulǵalar ákimshilik jaýapkershilikke tartyldy.
Júrgizilip jatqan jumys eldiń fıtosanıtarııalyq qaýipsizdigin qamtamasyz etýge, karantındik obektilerdiń enýi men taralýynyń aldyn alýǵa, sondaı-aq aýyl sharýashylyǵy óndirisin qorǵaýǵa baǵyttalǵan.
Aıta ketelik SQO-da byltyr fıtosanıtarııalyq baqylaý aıasynda 6 mln teńge aıyppul salyndy.