Elge syrttan kelgen 198 kompanııada 4,1 mlrd teńgeniń salyq bereshegi bar
«Negizinen úshinshi elderdiń azamattary zańdy tulǵa qurylǵannan keıin Qazaqstannan ketetinin, al olar qurǵan kompanııalar jalǵan shot-faktýralardy jazyp berý, salyq tóleýden jaltarý jəne qarajatty kóleńkeli aınalymǵa shyǵarý shemalarynda paıdalanylatynyn atap ótý qajet.
Anyqtama retinde: salyq organynyń derekteri boıynsha bıznes-kóship kelýshi vızasy joq kəsiporyndardyń qyzmetin iriktep taldaý arqyly 198 kompanııada 4,1 mlrd teńgege salyq bereshegi anyqtaldy, tirkeý orny boıynsha 1,5 myńnan astamy joq jəne 2 myńǵa jýyq fırma jumys istemeıdi», - dep jazylǵan jaýapta.
Sondaı-aq Bas prokýror qazaq-túrik kásipkerleriniń qaýymdastyǵynyń shaǵymyndaǵy máselelerge toqtalady.
«Aýmaqtyq prokýratýralardyń məlimetteri boıynsha sottar 2022 jyly jəne 2023 jyldyń ótken kezeńinde salyq organdarynyń Túrkııa azamattarynyń qatysýymen sharýashylyq júrgizýshi sýbektilerdi tirkeýdi jaramsyz dep taný týraly talap qoıýlary boıynsha 36 azamattyq isti qaraǵan.
Onyń ishinde 34 is boıynsha talap qoıýlar qanaǵattandyryldy, ekeýi boıynsha bas tartylǵan. Talap qoıýda «Halyqtyń kóshi-qony týraly» Zańnyń bıznes-kóship kelýshi retinde kelýge vıza almaǵan sheteldikterdiń zańdy tulǵa qurýyna jəne zańdy tulǵa qatysýshylarynyń quramyna kirý arqyly kommertsııalyq uıymdardyń jarǵylyq kapıtalyna qatysýyna tyıym salatyn 40-baby buzylǵany týraly dəlelder negizge alynǵan.
Sottardyń pikirinshe, atalǵan normany saqtamaý Qazaqstan aýmaǵynda kəsipkerlik qyzmetti júzege asyrýdyń múmkin emestigin rastaıdy jəne sonymen birge joıylmaıtyn sıpattaǵy əri osyndaı kompanııalardyń tirkelýin jaramsyz dep taný úshin negiz bolyp tabylatyn eleýli buzýshylyq bolyp sanalady. Atalǵan daýlar APK-niń 435-babyna səıkes Bas prokýror sot aktilerine narazylyq bildire alatyn ister sanatyna jatpaıdy», - deıdi Berik Asylov.
