Elge kúmis medalmen oralǵanyma qýanyshtymyn - Raýshan Qoıshybaeva
ASTANA. QazAqparat - Rıo-de-Janeıroda ótken Jazǵy Paralımpıada oıyndarynyń kúmis medal ıegeri Raýshan Qoıshybaeva tórtjyldyqtyń basty jarysynan alǵan áserimen bólisti.
"Men kúmis medal jeńip alǵanyma baqyttymyn. Men bul júldeni Memleket basshysyna jáne barsha Qazaqstan xalqyna arnaımyn. Elge joǵary jetistikpen oralý óte úlken qýanysh. Júlde alǵanymda bul qýanyshpen óz Otanymmen bóliskim keldi. Bizge senim artyp, bizben birge qýanǵan jankúıerlerge alǵys aıtamyn", - dedi ol Astana áýejaıynda bergen suxbatynda.
Onyń aıtýynsha, medaldiń artynda kópjylǵy eńbek pen tógilgen ter, bapkerlerdiń saýatty taktıkasy tur. Endi Raýshan Qoıshybaeva Tokıoda ótetin kelesi Paralımpıadaǵa daıyndalady.
Aıta keteıik, Almaty oblysynyń týmasy Raýshan paýerlıftıngpen 13 jastan daıyndalady. 2012 jyly xalyqaralyq sanattaǵy sport sheberi atanyp, 2014 jyldan bastap, xalyqaralyq jarystarda el namysyn qorǵaı bastady.
Rıoda ótken Paralımpıada oıyndarynda ol 67 kelige deıingi salmaqta óner kórsetti.
