Elge kóship kelgen qandastar birinshi kezekte JSN rásimdeýi qajet
«Otandastar qory» kommertsııalyq emes aktsıonerlik qoǵamy sheteldegi etnıkalyq qazaqtardan jáne elge qonys aýdarǵan qandastar tarapynan jıi qoıylatyn suraqtarǵa jaýap beretin beınerolıkter toptamasyn daıyndady.
Kezekti shyǵarylym elge kelgende eń birinshi rásimdeletin qujattarǵa arnaldy.
«Qazaqstanda turýǵa nemese Qazaqstan azamattyǵyn alýǵa kelgen etnıkalyq qazaqtar birinshi kezekte jeke sáıkestendirý nómirin (JSN) alýy qajet. JSN - on eki tsıfrdan turatyn biregeı kombınatsııa. JSN alý arqyly Qazaqstandaǵy ekinshi deńgeıli bankterden shot asha alasyz. JSN alý úshin turǵylyqty jerińiz boıynsha halyqqa qyzmet kórsetý ortalyǵyna júginý kerek. Aıta keteıik, jeke basty kýálandyratyn qujatty qazaq nemese orys tiline aýdarǵan kezde aty-jónińizdiń durys jazylǵanyna kóz jetkizińiz. Sebebi JSN alǵannan keıin rásimdeletin búkil qujattarda aty-jónińiz bastapqy aýdarma boıynsha jazylady» delingen vıdeoda.
