«Elge kómek» qaıyrymdylyq qorynyń jetekshisi ustaldy

ALMATY. KAZINFORM — Almatyda «Elge kómek» qaıyrymdylyq qorynyń basshysy Іlııas Sarıev alaıaqtyq jasady degen kúdikke ilindi.

Bul týraly zańger Nursultan Orynbekov áleýmettik jelidegi paraqshasynda jazdy. 

— Іlııas Sarıev alaıaqtyq baby boıynsha ustaldy, — dep habarlady ol.

Almaty qalasynyń Polıtsııa departamentiniń aqparatty rastap, qylmystyq is qozǵalǵanyn jetkizdi.

— Almaly aýdandyq polıtsııa basqarmasynda alaıaqtyq deregi boıynsha qylmystyq is qozǵaldy. Jan-jaqty jáne obektıvti tergeýge baǵyttalǵan birqatar tergeý sharasy júrgizilip jatyr. Olardyń qorytyndysy boıynsha protsessýaldyq sheshim qabyldanady, — dep atap ótti vedomstvodan.

Buǵan deıin Perızat Qaıratqa qatysty qylmystyq isti tergeý aıaqtalǵany týraly jazǵan edik. 

Sondaı- aq Perızat Qaırat Palestına turǵyndaryna gýmanıtarlyq kómek kórsetý úshin qarajat jınaýdy uıymdastyrǵany týraly habarlaǵan edik. Bul epızod boıynsha Perızat Qaırat 200 mln teńgeden asa qarajatty jymqyrdy dep kúdiktelýde. 

Keıinnen Perızat Qaırattyń isi 100 tomnan asqany málim boldy.