Elge kelýshiler sany artty: eń kóp adam qonystanǵan óńirler belgili boldy

ASTANA. KAZINFORM — 2025 jyldyń qańtar-qyrkúıek aılary aralyǵynda Qazaqstanǵa turaqty turý úshin 16,1 myń adam qonys aýdardy. Bul — elden kóship ketkenderdiń sanynan áldeqaıda kóp, dep habarlaıdy Ulttyq statıstıka bıýrosy.

Vedomstvo málimetinshe, osy kezeńde 5,9 myń adam elden ketken, bul ótken jylmen salystyrǵanda 41,4%-ǵa az. Nátıjesinde kóshi-qon balansy oń qalypta — 10,2 myń adam.

Kóshi-qonnyń negizgi bóligi TMD elderimen júredi: kelgenderdiń 82,7%, al ketkenderdiń 73,2% — osy elderdiń azamattary. Al basqa memleketterdiń ishinde Qazaqstanǵa kóbine Qytaı, Mońǵolııa jáne Túrkııa azamattary kóship keledi.

Kelýshilerdiń kóbi Almaty oblysyna (4,4 myń adam), Almaty qalasyna (2,6 myń), Mańǵystaý oblysyna (2,3 myń) jáne Astanaǵa (1 myń) turaqtaǵan.

El ishinde qonys aýdarýshylar sany da artqan — ótken jylmen salystyrǵanda 22,8%-ǵa kóp. Óńiraralyq kóshi-qon boıynsha eń kóp adam kelgen óńirler:

• Astana – 67,2 myń adam

• Almaty – 27,8 myń adam

• Shymkent – 13 myń adam

• Almaty oblysy – 8 myń adam

Budan buryn Ulttyq statıstıka bıýrosy Qazaqstan halqynyń naqty sanyn atady.