Elge kapıtaldy qaıtarýdyń yntalandyrý tetikterin naqtylaý kerek – Úkimet basshysy

ASTANA. QazAqparat – Premer-Mınıstr Álıhan Smaıylov Qarjy elden zańsyz shyǵarylǵan kapıtaldy qaıtarýdyń yntalandyrý tetikterin naqtyladý tapsyrdy, dep habarlaıdy QazAqparat tilshisi.

«Elden qarajattyń zańsyz shyǵarylýyna qarsy pármendi sharalar qabyldaý mańyzdy mindet bolyp otyr. Úkimet tıisti zań jobasyn ázirleýde. Osy zań jobasynyń erejelerinde zańsyz áketilgen kapıtaldy qaıtarý jónindegi barlyq rásimderdi reglamentteý qajet», - dedi ol.

Premer-Mınıstr kapıtaldy elden áketýge jol ashatyn sebepter men jaǵdaılardy joıý kerektigin eske saldy.

«Elge kapıtaldy qaıtarýdy yntalandyrýdyń naqty tetikterin ázirleý qajet. Naýryzda zań Parlament Májilisine engizilýi kerek», - dedi Álıhan Smaıylov.