Elge qansha adam kóship keldi

ASTANA. KAZINFORM – 2025 jyldyń І toqsanynda Qazaqstanǵa turaqty turýǵa kóship kelgen azamattar sany 4 923 adam, ketkender sany - 1 122 adam, kóshi-qon saldosy oń - 3801 adam. 

Eldiń negizgi kóshi-qon almasýy TMD memleketterimen júrgen. TMD elderinen kelgenderdiń úlesi 84,1%, osy elderge ketkenderdiń úlesi — 68%.

— TMD elderinen qonys aýdaryp, yqtııar hat alǵan 4 137 adamnyń ishinde eń kóbi Ózbekstannan kelgen — 2 614 adam, Reseıden — 982 adam.

Ózge elderden bıylǵy alǵashqy úsh aıda 783 adam keldi. Olardyń basym bóligi Qytaı (427 adam), Mońǵolııa (129 adam) jáne Túrkııadan (57 adam) kelgen, — delingen Ulttyq statıstıka habarlamasynda.

Kelgenderdiń basym bóligi Almaty (1 649 adam) jáne Mańǵystaý oblystaryna (764 adam), sondaı-aq Almaty qalasyna (687 adam) qonystanǵan.

Kelgenderdiń negizgi úlesi (61,7%) 20 men 44 jas aralyǵynda.

Aıta ketelik Qazaqstan halqy 20,3 mln adamǵa jetken edi.