Elge gúldi qaı elderden ımporttaıdy

ASTANA. KAZINFORM –  Byltyrǵy qańtar-jeltoqsan aralyǵynda Qazaqstan jalpy somasy 93,5 mln AQSh dollaryna 12,3 myń tonna kesilgen gúl men gúl túınegin ımporttady. Bul týraly Ulttyq statıstıka bıýrosy habarlady.

Salystyryp ótsek, 2023 jyly gúl ımporty aqshalaı mánde 61,2 mln dollar bolǵan (8,2 myń tonna).

Byltyr gúlder álemniń 53 elinen, negizinen Eýropa, Ońtústik Amerıka jáne Afrıka elderinen ákelingen.

2024 jyly gúlderdiń eń iri jetkizýshileri: Ekvador - 6,4 myń tonna, Nıderland - 2,3 myń tonna, Qytaı - 1,1 myń tonna, Kolýmbııa - 978 tonna jáne Kenııa - 975 tonna boldy.

Atalǵan kezeńde Qazaqstan TMD elderine gúl shoqtaryn jasaýǵa arnalǵan 1,5 myń tonna kesilgen gúl men gúl túınegin eksporttaǵan.

Aıta keteıik Almaty men Shymkentte báısheshek gúldep jatqany týraly jazǵan edik.