Elge esirtki tasymaldap kelgen transulttyq top músheleri sottaldy
ASTANA. KAZINFORM — 12 maýsymda Qyzylorda oblysynyń qylmystyq ister jónindegi mamandandyrylǵan aýdanaralyq sotynyń Qazaqstan azamaty men eki sheteldikke shyǵarǵan úkimi kúshine endi.
Olar Qylmystyq kodekstiń 264-babynyń 1-bóligi («transulttyq uıymdasqan qylmystyq top qurý»), 286-babynyń 4-bóligi («transulttyq uıymdasqan qylmystyq top quramyndaǵy kontrabanda») jáne 297-babynyń 4-bóligi («transulttyq uıymdasqan qylmystyq top quramynda esirtki ótkizý») boıynsha uzaq merzimge bas bostandyǵynan aıyryldy.
Tergeý men sot barysynda atalǵan adamdar Qazaqstan aýmaǵynda aýyr esirtki kontrabandasy men tasymal uıymdastyrýǵa tyrysqan transulttyq qylmystyq toptyń músheleri ekeni dáleldendi.
Top músheleri 2023 jylǵy tamyzda UQK jedel qyzmetkerleri prokýratýra organdary jáne quzyretti organdarmen ózara birigip ótkizgen shara kezinde ustaldy.
Tintý barysynda olardan 1 kg-nan astam geroın, 2 kg apıyn, sondaı-aq 4 atys qarýy men oq-dári tárkilendi.
«Halyqaralyq esirtki bıznesine qarsy is-sharalar jalǵasyp jatyr» deıdi UQK baspasóz qyzmetinen.
