«Eligaı» balalar hory Qytaıdaǵy halyqaralyq festıvalde altyn júlde ıelendi
ASTANA.KAZINFORM - K.Baıseıitova atyndaǵy Qazaq ulttyq óner ýnıversıtetiniń «Eligaı» balalar hory Gonkong pen Shenchjen qalalarynda ótken II Halyqaralyq hor festıvalinde altyn júldeni jeńip aldy.
Baıqaý qorytyndysy boıynsha ónerpazdar «Hor ujymy» atalymynda eń joǵary upaı jınap, Gold Award marapatyna ıe boldy. Hordyń kórkemdik jetekshisi ári dırıjeri – Ásem Esenova.
Jas ónerpazdar kásibı sheberligin tanytyp, shyǵarmalardy áserli jetkizý mánerimen erekshelendi.
Mádenıet jáne aqparat mınıstrligi málimetinshe, oryndaýshylarǵa Avstralııa, Italııa, Germanııa, Belarýs, Qytaı, Taıland, Qazaqstan jáne ózge de elderdiń belgili dırıjerleri, kompozıtorlary men pedagogterden quralǵan halyqaralyq qazylar alqasy baǵa berdi.
Festıval 2026 jylǵy 12-17 shilde aralyǵynda ótip, oǵan álemniń onnan astam elinen kelgen hor ujymdary men mýzyka salasynyń mamandary jınaldy.
Aıta keteıik, Janar Duǵalova Astana kúnine arnalǵan kontsertte oqýshylarmen birge án aıtty.
