«Elevator» kareriniń ekologııalyq táýekelderi qandaı
ASTANA. KAZINFORM — Búgin 2026 jylǵy 22 mamyrda Qazaqstan Respýblıkasynyń Ekologııa jáne tabıǵı resýrstar vıtse-mınıstri Mansur Oshýrbaev jumys saparymen Qostanaı oblysyna Jitiqara qalasyna bardy, dep habarlaıdy QR Ekologııa mınıstrliginiń baspasóz qyzmeti.
Jitiqara qalasyna sapary aıasynda vıtse-mınıstr óńir turǵyndarymen, úkimettik emes uıymdar men jurtshylyq ókilderimen kezdesý, sondaı-aq azamattardy jeke qabyldaý ótkizdi.
Kezdesý barysynda oblystaǵy ekologııalyq ahýal, «Elevatornyı» kareriniń ashylýynyń ekologııalyq táýekelderi, «Komarov taý-ken kásiporny» JShS qyzmetiniń teris áseri, atmosferalyq aýa sapasy, qaldyqtarmen jumys isteý, ónerkásiptik kásiporyndardyń qorshaǵan ortaǵa áseri jáne ekologııalyq baqylaý máseleleri talqylandy.
Turǵyndardyń ótinishteri boıynsha tıisti túsiniktemeler berildi.
Kezdesý barysynda ekologııalyq monıtorıng, ónerkásiptik shyǵaryndylardy baqylaý, úzdik qoljetimdi tehnologııalardy engizý jáne qaldyqtardy qaıta óńdeý júıesin damytý baǵytynda júzege asyrylyp jatqan sharalar týraly aqparat usynyldy. Sondaı-aq ekologııalyq júktemeni azaıtý, óndiristik nysandardy jańǵyrtý, qaldyqtardy basqarý júıesin jetildirý jáne Qostanaı oblysyndaǵy qorshaǵan orta sapasyn jaqsartý máselelerine erekshe nazar aýdaryldy.
Osyǵan deıin Ekibastuzdyń iri elektr stantsııalary qysqa daıyndalyp jatqany týraly jazdyq.
