Elevatorlarǵa kelip jatqan astyqtyń ylǵaldylyǵy joǵary - Ómirzaq Shókeev
Onyń sózinshe, egin jınaý jumystaryn júrgizý úshin sharýalardyń dızel otynyna degen qajettiligi 394 myń tonnany quraıdy. 17 qyrkúıektegi jaǵdaı boıynsha egin oraǵyn júrgizýge 269 myń tonna dızel, ıaǵnı otynnyń 68 paıyzy jóneltildi.
«Jaýyn-shashynnyń mol túsýi saldarynan elevatorlarǵa kelip jatqan astyqtyń ylǵaldylyǵy joǵary. Bul dándi jáne maıly daqyldardy qosymsha keptirýdi jáne tıisinshe astyq qabyldaý kásiporyndarynyń qosymsha dızel otynyn satyp alýyn qajet etedi. Oblys ákimdikteriniń málimetteri boıynsha, bazıstik ylǵaldylyq 13,5 paıyz bolǵanda bastyrylǵan astyqtyń 50 paıyzynan astamynyń ylǵaldylyǵy 20 paıyzdan asady», - dedi Ómirzaq Shókeev.
Mınıstrdiń aıtýynsha, qazirgi tańda qazan-qarasha kezeńine astyqty keptirýge 6 oblystan 85 myń tonna qosymsha dızel otyny kólemin bólýge ótinimder tústi.
«Energetıka mınıstrliginen qyrkúıekte bekitilgen baǵa deńgeıinde, ıaǵnı tonnasyna 181 myń teńge shekti baǵamen munaı óńdeý zaýyttarynan dándi jáne maıly daqyldardy keptirý úshin qosymsha dızel otynyn bólý máselesi qarastyrylyp jatyr», - dedi ol.