Eleýsinovtiń AQSh-taǵy bes jyldaǵy alǵashqy jekpe-jegi nokaýtpen aıaqtaldy
ASTANA. KAZINFORM — Qazaq boksshysy Danııar Eleýsinov (12-0, 7 KO) AQSh-tyń Vashıngton qalasynda ótken kásipqoı boks keshinde óner kórsetti, dep habarlaıdy Sports.kz.
Eleýsinov fılıppındik Djeıms Bekonmen (26-5, 17 KO) judyryqtasty. Jekpe-jek jartylaı orta salmaqta ótti jáne segiz raýndqa josparlanǵan bolatyn. Alaıda ol tolyǵymen ótpedi: qazaqstandyq boksshy ekinshi raýndta tehnıkalyq nokaýtpen jeńiske jetti.
Osylaısha, Danııar Eleýsinov kásipqoı rıngtegi on úshinshi jeńisine qol jetkizdi, al Djeıms Bekon úshin bul altynshy jeńilis boldy.
Aıta keteıik, bul Eleýsinov úshin AQSh-taǵy sońǵy bes jyldaǵy alǵashqy jekpe-jek. Ol buǵan deıin Amerıkada 2020 jyldyń qarashasynda jekpe-jek ótkizip, namıbııalyq Djýlıýs Indongony (24-10, 13 KO) nokaýtpen jeńgen edi.
Budan buryn habarlanǵandaı, Aleksandr Ýsık taǵy da asa aýyr salmaqta absolıýtti álem chempıony atandy.