Eleýsinovtyń promoýteri onyń qashan álem chempıony bolatynyn aıtty
ASTANA. QazAqparat - Danııar Eleýsinovtyń (1-0, 1 KO) promoýteri Eddı Hırn qazaqstandyq boksshynyń jaqyn arada álem chempıony ataǵy úshin judyryqtasatynyn aıtty, dep jazady Sports.kz.
«Oǵan chempıondyq ataqqa talasý úshin 5 kezdesý ótkizý kerek. Menińshe onyń Djef Horndy jeńetin múmkindigi bar. Sondaı-aq Shon Portermen de jaqsy kezdesý bolady degen oıdamyn. Sonymen qatar Danııar Errol Spens, Terens Kroýford sııaqty jigittirmen de kúsh synasýǵa daıyn»,-dep málimdedi Eddı Hırn.
Al qazir Eleýsinov 6 maýsym kúni Londonda (Ulybrıtanııa) kásipqoı rıngte ótetin ekinshi jekpe-jegine daıyndalyp júr. Onyń osy jolǵy qarsylasy vengrııalyq boksshy Zoltan Shabo (23-11, 10 KO).
Aıta keteıik, Danııar Eleýsinov kásipqoı bokstaǵy alǵashqy kezdesýin 28 sáýir kúni Nıý-Iorkte (AQSh) ótkizip, úshinshi raýndta amerıkalyq boksshy Noa Kıdti (3-1-1, 2 KO) tehnıkalyq nokaýtpen jeńdi.
