Eleýsinovtyń promoýteri endigi kezdesýdiń qaıda jáne qashan ótetinin aıtty

ASTANA. QazAqparat - Danııar Eleýsinov óziniń kezekti jekpe-jegin 28 maýsymda Londonda ótkizedi, dep habarlaıdy «SPORTINFORM» SAA Boxingscene.com. saıtyna silteme jasap.

Kásibı rıngtegi óziniń úshinshi kezdesýin Eleýsinov taǵy da Brıtanııa astanasynda, O2-arenasynda ótkizedi. Bul týraly Sky Sports efırinde Eleýsinovtyń promoýteri Eddı Hırn qazaqstandyq boksshy Zoltan Shabony jeńgennen keıin aıtty.

Aıta keteıik, Londonnyń «York Hall» arenasynda Danııar Eleýsinov vengrııalyq Zoltan Shabomen (23-11-0 10 KO) kezdesti. Jeńiske jetý úshin qazaqstandyq boksshyǵa búkil raýndtardy aıaǵyna deıin jetkizý qajet boldy.