Eleýsinovtiń salmaǵyndaǵy IBF chempıony kelesi qarsylastaryn atady

ASTANA. QazAqparat - Meksıkalyq jas boksshy Karlo Okampomen (22-1, 13 KO) kezdesý nátıjesinde chempıon tıtýlyn jeńip alǵan, Eleýsinovtiń salmaǵyndaǵy IBF chempıony amerıkalyq Errol Spens (24-0, 21 KO)  matchtan keıingi baspasóz konferentsııasynda múmkin qarsylastarynyń atyn atady, dep habarlaıdy «SPORTINFORM»CAA vringe.com saıtyna silteme jasap.

«Jyldyń sońyna deıin taǵy bir jekpe-jek ótkizýdi josparlap otyrmyn. WBC tıtýly úshin Shon Porter men Dennı Garsıanyń arasynda kezdesýdiń jeńimpazyna qarsy aıqas 2019 jyldyń birinshi toqsanyna qaraı bolýy yqtımal. Kıt Terman rıngke qaıtyp oralýy múmkin. Bizdiń menedjerimiz ózgergen joq, sol burynǵy orynda bokstasamyz. Meni tek ataqty qarsylastar qyzyqtyrady. Sondyqtan mindetti qarsylasym Ýgaspen emes, Djessı Varnaspen jekpe-jek ótkizgim keledi. Bul jerde syılastyqtyń qatysy joq. Bar bolǵany, Ýgaspen kezdesýden men úshin esh paıdasy joq», - dep málim etti boksshy.

Aıqas jergilikti fýtbol komandasy (NFL) oınaıtyn 12 myń kórermenge laıyqtalǵan Dallas Cowboys stadıonynda ótti. Bul stadıonda kezinde Spenstiń ózi de oınaýdy armandaǵan.

Eske salaıyq, 66,7 keli salmaqqa deıingi boksshy Kroýford WBO tıtýlyn jeńip, dıvızıondaǵy barlyq belbeýlerdi ózi ıemdenetinin aıtqanyna qaramastan,  kezdesý aldynda Spens ózin dıvızondaǵy myqtynyń myqtysy ataǵan. Qos chempıon keleshekte Danııar Eleýsinovke qarsylas atanýy múmkin.