Eleýsinovtiń promoýteri kásibı rıngtegi kezekti kezdesýge qatysty pikir bildirdi
ASTANA. QazAqparat - Danııar Eleýsinovtyń (1-0, 1 KO) promoýteri Eddı Hırn Twitter-degi paraqshasynda qazaqstandyq boksshynyń kásibı bokstaǵy kezekti kezdesýi týraly jazba qaldyrdy, dep jazady Sports.kz.
«Jańa shoý! Lıýk Ýotkıns - Loýrens Okolı - dostastyq kezdesýi, Danııar Eleýsinovtyń Ulybrıtanııadaǵy debıýti, Belottı - Doıl, Ted Chızmen - Felıks Kesh jáne ózge de kóptegen bylǵary qolǵap sheberleri!» -dep jazdy Hırn.
Atalǵan boks keshi 6 maýsymda Londondaǵy York Hall mádenı oıyn-saýyq ortalyǵynda ótedi. Eleýsinovtyń qarsylasy ázirge belgisiz. Jekpe-jek 6 raýndqa sozylady.
Aıta keetıik, Danııar Eleýsinov kásibı bokstaǵy óziniń alǵashqy kezdesýin Nıý-Iorkte Denıel Djeıkobs (34-2, 29 KO) - Matseı Sýletskıdiń (26-1, 10 KO) boks keshiniń aıasynda ótkizdi. Ol 6 raýndqa eseptelgen kezdesýdiń úshinshi raýndynda amerıkalyq Noa Kıdti (3-1-1, 2 KO) nokaýtqa jiberdi.
