Eleýsinovtiń profıde alǵashqy tıtýldyq jekpe-jegi qashan ótedi

ASTANA. QazAqparat - ESPN telearnasynyń tilshisi ári kommentatory Den Rafael qazaqstandyq boksshy Danııar Eleýsinovtiń (5-0, 3 KO) aldaǵy jylǵa jospary týraly baıandap berdi, dep habarlaıdy Sports.kz.

Onyń Danııar Eleýsinovtiń promoýteri Eddı Hırnge silteme jasap atap ótkenindeı, aldaǵy jazda bizdiń otandasymyz kásibı boksshy statýsyndaǵy alǵashqy tıtýl úshin jekpe-jekke shyǵýdy josparlap otyr. Eske sala keteıik, ótken demalys kúnderi Eleýsinov Monte-Karloda bolyp ótken boks keshinde nıkaragýalyq boksshy Karlos Mohıkýny 16-3-2, 12 KO) tehnıkalyq nokaýtpen jeńdi.

«Eleýsinov qadamyn jyldam basyp keledi. Sáýirde profıde alty raýndtyq aıqastan bastasa, Mohıkaǵa qarsy jekpe-jek segiz raýnd bolmaq. Promoýteri Eddı Hırn 2019 jyly onyń on raýndqa ótetinin, al jazda aımaqtyq tıtýldar úshin bokstasatynyn aıtty», - dep jazdy Rafael.