Eleýsinovtiń kásibı rıngtegi alǵashqy kezdesýiniń ótetin orny men kúni belgilendi
ASTANA. QazAqparat - Avstralııanyń MJA Entertainment promoýterlik kompanııasynyń basshysy Maık Altamýra qazaqstandyq Danııar Eleýsinovpen yntymaqtastyqtyń bastalýy jaıly pikir bildirdi jáne boksshyǵa qatysty josparlarmen bólisti, dep jazdy Sports.kz.
«Danııardyń ekinshi jáne úshinshi kezdesýleri aımaqtyq belbeý úshin, al eki jylda álem chempıony ataǵy úshin judyryqtasady dep josparlap otyrmyz. Mundaı talanty bar jigitterdi qorǵashtaýdyń qajeti joq. Olardyń kásibı boksqa úlken qadam jasaýyna múmkindik berý kerek. Endi 18 aıda Danııar bul ortaǵa beıimdelip, eki jylda álem chempıony atanaryna senimim mol.
Danııar - ótkir kontrpancher. Ol óte jyldam jáne uly boksshylar sekildi ózine senimdi. Ol eshteńeden qoryqpaıdy», - dedi menedjer Fightnews.com. saıtyna.
Sondaı-aq, promoýter Eleýsinovtiń alǵashqy kásibı debıýty mamyr aıynda, Qytaıda ótetinin málim etti.
