Eleýsinovtiń bapkeri alǵashqy kásibı aıqastaǵy kútpegen jaǵdaı týraly aıtyp berdi
ASTANA. QazAqparat - Tanymal qazaqstandyq jattyqtyrýshy jáne Olımpıada chempıony Danııar Eleýsinovtiń ákesi Marat Eleýsinov kásipqoı rıngtegi debıýttik jekpe-jekte ulynyń jarqyn jeńisi týraly pikir bildirdi, dep habarlaıdy Sports.kz.
Eske salaıyq, keshe Rıodaǵy Olımpıada chempıony amerıkalyq Noa Kıddany tehnıkalyq nokaýtpen jeńdi.
«Bári jaqsy boldy. Árıne, biz jekpe-jekti tez aıaqtalady dep josparlaǵan joqpyz. Sebebi, aıqastyń qalaı bolatynyn aldyn ala boljaý múmkin emes. Josparymyz óz maqamymyzben jumys istep, soqqyny jiberip almaýǵa tyrysý bolatyn. Soqqy almasýǵa jol bermeı, óz sátimizdi kútip, der kezinde qımyldaý edi. Biz Qazaqstandaǵy daıyndyq kezinde jaqsy jumys istedik. AQSh-qa kelgenimizge nebári bir aptadan da az ýaqyt boldy. Sondyqtan, bári jaqsy sııaqty», - dep atap ótti M.Eleýsinov.
Onyń aqparaty boıynsha, erteń Danııar Eleýsinov Florıdaǵa jol tartady. Onda maýsymǵa josparlanǵan kelesi jekpe-jekke daıyndyqty bastaıdy.
