Eleýsinov Ulybrıtanııadaǵy aıqasy aldynda ashyq jattyǵý ótkizedi
ASTANA. QazAqparat - Danııar Eleýsinovtiń (1-0, 1 KO) múddesin qorǵaıtyn Matchroom Boxing promoýterlik kompanııasy jankúıerlerdi qazaqstandyq boksshynyń jáne Londonda ótetin boks keshine qatysýshy ózge de sportshylardyń ashyq jattyǵýyn tamashalaýǵa shaqyrdy, dep habarlaıdy QazAqparat Sports.kz saıtyna silteme jasap.
Ashyq jattyǵý 1 maýsym kúni BXR London zalynda ótedi. Bastalýy astana ýaqytymen 19.00-de. Boks keshiniń ózi 6 maýsymǵa josparlanǵan. Onyń hedlaınerleri - brıtandyq Loýrens Okolı (8-0, 6 KO) men Lıýk Ýotkıns (13-0, 9 KO).
Jartylaı orta salmaqta óner kórsetetin Danııar Eleýsinov onyń anderkardynda aıqasady. Jekpe-jek alty raýndqa eseptelgen. Onyń qarsylasy ázirge belgisiz.
Eske salaıyq, Eleýsinov kásipqoı bokstaǵy alǵashqy jekpe-jegin aǵymdaǵy jyldyń 28 sáýiri kúni Nıý-Iorkte ótkizdi. Úshinshi raýndta amerıkalyq Noa Kıdti (3-1-1, 2 KO) tehnıkalyq nokaýtpen jeńgen bolatyn.
