Eleýsinov Olımpıadadan keıingi alǵashqy jekpe-jegi týraly: Ózime kóńilim tolmady
ASTANA. QazAqparat - Búkilálemdik boks akademııasynda Qazaqstan, Reseı men Ózbekstan elderi qurama komandalarynyń matchtyq kezdesýi aıaqtaldy, dep habarlaıdy «QazAqparat» HAA tilshisi Qazaqstan boks federatsııasynyń baspasóz qyzmetine silteme jasap.
Matchtyq kezdesýdiń sońǵy kúninde Qazaqstan men Ózbekstan eliniń komandalary qolǵap túıistirdi. 10 kezdesýdiń qorytyndysy boıynsha qazaqstandyq boksshylardyń mereıi ústem boldy. Jeńimpazdardyń arasynda Olımpıada chempıony Danııar Eleýsinov te bar. Ol úshin matchtyq kezdesý Olımpıada oıyndarynan keıingi alǵashqy aıqas bolyp otyr. Eleýsinov búgin Boboýsmon Batýrovpen sharshy alańǵa shyqty.
«Jalpy, aıqas men úshin ońaıǵa túsken joq. Men Olımpıada oıyndarynan keıin sharshy alańǵa shyqqan joq edim. Ózime kóńilim tolmady. Biraq, osyǵan deıin boksqa shyqpaǵanymdy eskersem, búgingi nátıjemdi qanaǵattanarlyq dep aıtýyma bolady. Men buryn ol qarsylaspen kezdesip kórmegen ekenmin», - deıdi Danııar Eleýsinov.
Naýryz aıynyń basynda qazaqstandyq boksshylar Polshadaǵy Felıks Shtamm týrnıri men Fınlıandııadaǵy GeeBee saıysyna attanady. Al erler men áıelder úshin osy jyldyń basty saıysy - Malaızııada ótetin Azııa oıyndary bolmaq.
