Eleýsinov Olımpıadada Golovkın saǵyn syndyrǵan amerıkalyqpen birge jattyǵýda

ASTANA. QazAqparat - Qazaqstandyq boksshy jáne Olımpıada chempıony Danııar Eleýsinov áleýmettik jelidegi paraqshasynda amerıkalyq boksshy Andre Dırrelmen birge jattyǵyp jatqan sýretin jarııalady, dep habarlaıdy Sports.kz.

«Olımpıadanyń qola júldegeri jáne óte jaqsy kásibı boksshy Andre Dırrelmen birge. Kezdeskenime qýanyshtymyn!», - dep jazdy Danııar Instagram-ǵa júktegen sýretiniń astyna.

Qazir qazaqstandyq kelesi qarsylasy, nıkaragýalyq Marks Mohıkamen birge aldaǵy aıqasyna daıyndalyp jatyr. Bul jekpe-jek 24 qarashada ótedi.

Dırrell Olımpıada-2004-tiń jartylaı fınalynda Gennadıı Golovkınniń qarsylasy bolǵan edi. Gennadıı ol aıqasta upaı sanymen jeńiske jetti.