Eleýsinov AQSh-ta amerıkalyq boksshyny nokaýtqa jiberdi
ASTANA. QazAqparat - Qazaqstandyq boksshy Dáýren Eleýsinov (6-0-1, 5 KO) kásipqoı bokstaǵy segizinshi jekpe-jegin ótkizdi, dep habarlaıdy QazAqparat Sports.kz-ke silteme jasap.
Ol tórt raýnd formatyndaǵy kezdesýde 26 jastaǵy amerıkalyq Djovan Djonmen kúsh synasty (2-4-1, 0 KO). Stoýn-Maýntın qalasyndaǵy (Djordjııa shtaty, AQSh) Legacy Garden Park and Event Center oıyn-saýyq kesheninde ótken jekpe-jekte Eleýsinov qarsylasyn úshinshi raýndta nokaýtqa jiberdi. Bul Dáýrenniń kásipqoı bokstaǵy jetinshi jeńisi boldy, al Djon besinshi ret jeńildi.
Eske salaıyq, Dáýren Eleýsinov eki jyldyq úzilisten soń 6 sáýirde rıngke oralǵan bolatyn. Indıanapolıste (Indıana, AQSh) ótkizgen jekpe-jeginde de ol amerıkalyq boksshy Leonel Hımenesti (4-23-1, 4 KO) birinshi raýndta sulatyp saldy.
