Elena Rybakınanyń juptyq synda Madrıdtegi qarsylasy anyqtaldy
ASTANA. QazAqparat – Qazaqstannyń birinshi, álemniń 7-raketkasy Elena Rybakınanyń juptyq synda Madrıd ATP 1000 týrnırindegi qarsylasy anyqtaldy, dep habarlaıdy QazAqparat tilshisi.
E.Rybakına reseılik Anastasııa Pavlıýchenkovamen birge ekinshi aınalymda ýkraınalyq Marta Kostıýk – rýmynııalyq Elena Gabrıela Rýzemen sheberlik baıqasady.
M.Kostıýk – E.Rýze bastapqy kezdesýin taǵy bir qazaqstandyq Anna Danılına – majarstandyq Tımeıa Baboshpen ótkizdi.
Bul matchta birinshi partııada ýkraınalyq-rýmynııalyq jup basym tústi – 6:4.
Ekinshi sette A.Danılına – T.Babosh dál sondaı eseppen ese qaıyrdy – 6:4.
Sýper taı-breıkte M.Kostıýk – E.Rýze jeńisti julyp aldy – 12:10.
Osylaısha, Madrıd masters jarysynda Qazaqstannan E.Rybakınadan basqa eshkim qalǵan joq.
Eske sala keteıik, budan buryn Elena Rybakınanyń Madrıd masters týrnıriniń úshinshi aınalymyna shyǵa almaǵanyn jazǵan bolatynbyz.
Sondaı-aq Sergeı Kvak álem chempıonatyna joldama alý úshin baryn salatynyn aıtty.
Qazaqstandyq tennısshi Rımdegi týrnırdiń fınalyna shyqty.
Aleksandr Býblık Madrıdte álemniń jetinshi raketkasyna ese jiberdi.
