Elena Rybakınanyń jarqyn jeńisteri alda– Bolat Ótemuratov
-Bolat Jamıtuly, Elena Rybakınanyń úzdik ónerin kútpegen jaǵdaı dep bilesiz be?
-Men Elenanyń tabysyna óte qýanyshtymyn. Ol álemdegi eń kúshti tennısshilermen ótken oıyndarda daıyndyǵynyń joǵary deńgeıde ekendigin kórsete bildi. Bul kútpegen nátıje deýge bolmas. Rybakına birtindep sheberlik shyńyna kóterile aldy. 2018 jyly álemdik reıtıngte 200 tennısshiniń sońynda bolsa, 2019 jyly qyryq úzdiktiń qatarynan tabyldy. 2020 jyldy 19-ynshy, 2021 jyldy 14-raketka retinde qorytyndylasa, bıyl 12-satyǵa kóterildi. Munyń bári erte me, kesh pe, úlken jeńisterge ákeletini anyq edi.
-Elenanyń fınaldaǵy oıyny týraly ne aıtasyz?
-Lena óte myqty oınady. Birinshi partııada ketken esesin qaıtaryp, joǵary qarqyn qosty, óz josparyn oryndady. Ons Jaber de sońyna deıin kúresti. Úshinshi sette esep 3:2, 0:40 bolǵan mezette Lena asqan tabandylyq tanytyp, qarsylasynyń qaıta kúsh alýyna múmkindik bermedi.
-Jartylaı fınaldan keıin Rybakına jankúıerlerge jáne Londonǵa arnaıy ushyp kelgen sizge alǵysyn bildirdi. Bul aıaqasty týǵan sheshim be, álde qajet bolǵan jaǵdaıda tennısshilerimizdi qoldaýdy josparlap otyrasyz ba?
-Men eresek, sondaı-aq jas oıynshylardyń jekeleı jáne komandalyq matchtaryn qarap otyrýǵa tyrysamyn. Árıne, bárine úlgerý múmkin emes. Nátıjelerine kóz tigip, jeke bapkerlerimen tildesemin. Al masters, «Úlken dýlyǵa» týrnırleriniń jóni bólek. Tabysty óner kórsetse, kelip, qoldaý kórsetemin. ıAroslava Shvedova, ıÝlııa Pýtıntseva jáne basqalary mańyzdy matchtaryn ótkizgende, qasynda boldym. Osy Ýımbldonnyń ortalyq kortynda ıAroslava Vanıa Kıngpen birge juptyq synda jeńimpaz atanyp, Qazaqstannyń gımni oryndalyp, týy kókke kóterildi. Ótken jyly Rolan Garros jarysynyń fınalynda Aleksandr Býblık pen Andreı Golýbev óner kórsetkende, sonda boldym. Bıyl Ýımbldonda shırek fınaldan keıin Elenany qoldaý jóninde sheshim qabyldadym. Munyń áseri keremet, sózben jetkizý qıyn.
-Rybakınanyń jetistiginiń syry nede dep bilesiz?
-Elena eki apta boıy teńdessiz óner kórsetti. Dop berýdegi myqtylyǵy óz aldyna, kortta ábjil qımyldap, oń men solǵa baǵyttaǵan soqqylary dóp túsip jatty. Tolqynysyn jeńe bildi, psıhologııalyq daıyndyǵy oıdaǵydaı boldy. Lenanyń kórermendermen tyǵyz baılanys ornatyp, aǵylshyn tilinde erkin sóıleýi de jankúıerleriniń qataryn kóbeıtti.
Taǵy bir atap ótetin jaıt, Elena túrli tósenishti korttarda oınaı biledi. Ótken jyly hard tósenishinde Tokıo olımpıadasynyń jartylaı fınalyna deıin jetti. Topyraq tósenishinde Rolan Garros jarysynyń shırek fınalynda oınady. Endi, mine, Ýımbldonda kógal tósenishinde teńdessiz óner kórsete aldy.
-Elenanyń oıyny búkil eldiń nazarynda boldy. Prezıdent Qasym-Jomart Toqaev Elenany Ýımbldondaǵy jeńisimen quttyqtady.
-Memleket basshysy sportty túsinedi jáne janymen súıedi, negizgi oqıǵalardy qaǵys qaldyrmaıdy. Ol tennısti jaqsy kórip qana qoımaı, úlken jáne ústel tennısinde oınaıdy. Jýyrda Qasym-Jomart Kemelulynyń Túrkııa Prezıdenti Erdoǵanmen ústel tennısin oınaǵany belgili. Qazaqstan Prezıdenti sportshynyń ár tabysynyń artynda aýyr eńbek, jyldarǵa sozylatyn tynymsyz jattyǵý turǵanyn biledi. Sondyqtan Memleket basshysynyń tennısshini jeńisimen quttyqtaýy óte oryndy boldy.
Árıne, Lenanyń da joly jeńil bolǵan joq. Tek óz eńbegi, komandasy men ata-anasynyń qoldaýy arqasynda osyndaı jeńiske qol jetkizdi. Jarystar arasyndaǵy uzaq ushýlar, uıqysyz túnder, kópsaǵattyq jattyǵýlar óz jemisin berdi. Qazaqstan tennıs federatsııasy jaǵdaıdy jasady, degenmen Lena men komandasynyń kún saıynǵy eńbegi esh ketken joq.
-Shynynda Rybakına kezinde sporttyq jolyn toqtatpaqshy da bolǵan ǵoı?
-Iá, Elenanyń 18 jasynda ondaı kezeń boldy. Biraq biz onyń talantyn birden baıqap, qajetti ýaqytynda qoldaı bildik. Bizdiń tarapymyzdan bul durys qabyldanǵan sheshim edi. Bizdiń federatsııanyń sol betburysty sáttegi qoldaýy Elenany bıikterge jeteleı bildi. Osylaı jalǵasa berse, onyń jarqyn jeńisteri alda ekenine senemin.
-Áńgimeńizge rahmet.
Eske sala keteıik, budan buryn Elena Rybakınanyń alǵash ret Ýımbldon týrnıriniń chempıony atanǵanyn jazǵan bolatynbyz.
Sondaı-aq Ýımbldon chempıony Elena Rybakına barsha jankúıerlerine alǵysyn jetkizdi.
13 jasar tennısshi Zańǵar Nurlanuly Parıjdegi týrnırdiń fınalısi atandy.
Tennısshi Novak Djokovıch 21 ret «Úlken dýlyǵa» týrnıriniń chempıony atandy.
