Elena Rybakınanyń Dýbaı týrnırindegi qarsylasy anyqtaldy
ASTANA. QazAqparat – Qazaqstannyń birinshi, álemniń 10-raketkasy Elena Rybakınanyń Dýbaı WTA 1000 týrnırindegi qarsylasy anyqtaldy, dep habarlaıdy QazAqparat tilshisi.
Osy iri jarystyń 9-raketkasy bolyp tirkelgen qazaqstandyq tennısshi alǵashqy aınalymda dúnıejúzilik reıtıngte 36-orynda turǵan 2019 jylǵy AQSh ashyq chempıonatynyń jeńimpazy, kanadalyq Bıanka Andreeskýmen sheberlik baıqasady.
Ony utqan jaǵdaıda amerıkalyq Sofııa Kenın nemese chehııalyq Marııa Boýzkovanyń bireýimen kezdesedi.
Taǵy bir qazaqstandyq, reıtıngte 43-oryndaǵy ıÝlııa Pýtıntsevanyń qarsylasy – álemniń 30-raketkasy, horvatııalyq Petra Martıch. Odan ótse, taǵy bir chehııalyq Petra Kvıtova nemese ıtalııalyq Martına Trevızannyń bireýimen oınaıdy.
Júlde qory 2,8 mln-ǵa jýyq AQSh dollaryn quraıtyn Dýbaı jarysy 19-25 aqpan aralyǵynda ótedi.
Eske sala keteıik, budan buryn qazaqstandyq tennısshilerdiń ATP jarystarynyń jartylaı fınalyna shyǵa almaǵanyn jazǵan bolatynbyz.
