Elena Rybakınanyń Aýstralııa ashyq chempıonaty fınalyndaǵy qarsylasy anyqtaldy
Ekinshi jartylaı fınalda álemniń 5-raketkasy, Belarýs ókili Arına Sobolenko dúnıejúzilik reıtıngide 45-orynda turǵan polıak qyzy Magda Lınetti 7:6 (7:1), 6:2 esebimen tize búktirdi.
Bir jarym saǵattan astam ýaqytqa sozylǵan matchta A. Sobolenko 6 eıs jasap, 7 breık-poınttyń úsheýin paıdalana bildi. Qarsylasy 1 eıs, 1 breıkpen shekteldi.
Osylaısha, belarýs tennısshisi óziniń sporttyq jolynda alǵash ret «Úlken dýlyǵa» týrnıriniń fınalyna shyqty.
Osyǵan deıin E. Rybakına men A. Sobolenko tórt ret kezdesken, esep – 3:1, belarýs sportshysynyń paıdasynda. Biraq, barlyq kezdesý de tartysty ótip, úsh setpen aıaqtalǵan.
Fınaldyq báseke senbi, 28 qańtar kúni ótedi.
Eske sala keteıik, budan buryn Elena Rybakınanyń Aýstralııa ashyq chempıonatynyń fınalyna alǵash ret shyqqanyn jazǵan bolatynbyz.
Sondaı-aq, fınalǵa shyqqan Elena Rybakına 1 mln astam dollar tabys tapty.
Elena Rybakına alǵash ret álemdik reıtıngide úzdik ondyqqa enedi.
Foto: instagram.com/lenarybakina