Elena Rybakına juptyq synda Adelaıda týrnıriniń shırek fınalyna shyqty

ASTANA. QazAqparat – Qazaqstandyq Elena Rybakına juptyq synda Adelaıda-2 (Aýstralııa) WTA 500 týrnıriniń shırek fınalyna shyqty, dep habarlaıdy QazAqparat tilshisi.

Qazaqstandyq tennısshi reseılik Anastasııa Pavlıýchenkovamen birge bastapqy kezdesýin rýmynııalyq Ana Bogdan – reseılik Angelına Gabýevamen ótkizdi.

Qazaqstandyq-reseılik jup birinshi partııada taı-breıkte ábjildik tanytty – 7:6 (7:5). Ekinshi sette olar qarqynyn údetti – 6:2.

Saǵat jarymǵa jýyq ýaqytqa sozylǵan matchta E.Rybakına men A.Pavlıýchenkova 4 eıspen birge 10 breık-poınttyń ekeýin paıdalandy. A.Bogdan – A.Gabýeva 3 eıs jasaǵanymen, breıkke qol jetkize alǵan joq.

E.Rybakına men A.Pavlıýchenkova jartylaı fınalǵa shyǵý úshin amerıkalyq Nıkol Melıchar-Martınes – aýstralııalyq Samanta Stosýrmen talasady.

E.Rybakına jekeleı synda chehııalyq Petra Kvıtovaǵa ese jibergen edi.

Eske sala keteıik, budan buryn Aýstralııa ashyq chempıonatynda Tımofeı Skatovtyń irikteý saıysyn jeńispen bastaǵanyn jazǵan bolatynbyz.

Foto: ktf.kz